Popullsia e botës i kaloi tetë miliardë njerëz më pak se dy javë më parë, të mërkurën, më 19 janar.

Të paktën kështu pretendon Instituti i Kërkimeve të Popullsisë Neodemos në Firence. Por a ka të drejtë Neodemus?

Sipas OKB-së, shifra e tetë miliardëve nuk do të arrihet deri në fund të vitit ose në fillim të vitit të ardhshëm. Ka një diferencë të madhe gabimi në parashikime.

– Askush nuk mund ta dijë popullsinë e saktë, e cila mund të jetë më shumë se njëqind milionë njerëz më pak ose më shumë. Pra, edhe Neodemos mund të ketë të drejtë, shkruajnë shkencëtarët.

Rritja e popullsisë nuk llogaritet dot as në vendet evropiane, e lëre më në mbarë botën.

Në dy vitet e fundit Censuset (Regjistrimet) janë në pritje për shkak të kufizimeve të pandemisë në shumë vende. Numri i lartë i vdekjeve në vendet më të prekura ka ulur tashmë jetëgjatësinë.

Ka edhe vende që prej vitesh nuk kanë regjistrim. Për shembull, regjistrimi i fundit në Republikën Demokratike të Kongos është nga viti 1984.

Megjithatë, duket qartë se rritja e popullsisë do të ngadalësohet sërish në të ardhmen.

Rritja e popullsisë nga një miliard (në 1803) në dy miliardë (në 1928) zgjati 125 vjet. Miliardat e fundit janë shtuar mesatarisht çdo 12 vjet.

Në të ardhmen, miliarda të reja do të arrihen përsëri më ngadalë.