Kela prezantoi sot përmbajtjen e pakos së bebeve për vitin e ardhshëm. Shtimi i lindjeve gjatë periudhës së koronavirusit e ka bërë të nevojshëm prodhimin e pakove të reja, ndaj Kela e prezantoi më herët pakon e maternitetit 2022. Zakonisht këto dhurata që shteti iu jep foshnjave të sapolindura prezantohen në pranverë.

Sipas të dhënave paraprake të Statistikave të Finlandës, pothuajse 42 mijë foshnja kanë lindur në Finlandë deri në fund të tetorit të këtij viti. Në 10 muajt e vitit të kaluar lindën pak më shumë se 39 mijë foshnja dhe më shumë se 46 mijë foshnja u lindën gjatë gjithë vitit.

“NË FINLANDË, periudha e Koronës e ngriti normën e lindjeve në një rritje të jashtëzakonshme, megjithëse vendet e tjera nordike bënë ndryshe. Ka shumë presion nga prindërimi dhe prindërit finlandezë janë gjithashtu shpesh të rraskapitur në krahasim me vendet e tjera evropiane. Paketa e maternitetit të Kela është një mënyrë për t’i ndihmuar familjet të fillojnë dhe të përqendrohen në një kohë unike për fëmijën, “thotë

Johanna Aholainen, menaxhere e përfitimeve të Kela në një deklaratë për shtyp tha se “Paketa është shumë e popullarizuar, me rreth dy të tretat e familjeve që ende e zgjedhin atë në vend të një pagese në Euro.”

KELA thotë se i ka kushtuar shumë rëndësi paketës së re të maternitetit, duke përjashtuar konkurentë të vendeve ku nuk respektohetn të drejtat e punëtorëve dhe shkelen të drejtat e njeriut. Kela thotë se produktet e paketës së maternitetit 2022 i ka zgjedhur duke parë materialet, cilësinë dhe përgjegjësinë e tyre.

“Shumica e produkteve të bëra nga pambuku janë pambuk organik. Disa produkte përdorin material pjesërisht të ricikluar. Sigurisht, të gjitha produktet duhet të plotësojnë kërkesat e sigurisë të legjislacionit finlandez dhe atij të BE-së”, thotë Aholainen.

Pakoja e vitit 2022 përmban 43 produkte, shtatë produkte më pak se pakoja e këtij viti. Arsyeja është çmimi më i lartë i produkteve me cilësi më të lartë dhe rritja e çmimit të shkaktuar nga koronavirusi.

“Kela vazhdimisht po e zhvillon përmbajtjen e saj për të qenë më e përgjegjshme dhe publiku do të vazhdojë të jetë i përfshirë në zgjedhjet e dizajnit të produkteve. Megjithatë, funksioni themelor i paketimit është shëndeti publik. Ai synon të sigurojë nevojat themelore të foshnjës dhe të ndihmojë familjen e foshnjës në hapat e parë, “thotë Aholainen.