Ministrja e Financave Annika Saarikko tha për Helsingin Sanomat se niveli i borxhit do të rritet më shumë se sa ishte planifikuar dhe nuk do të jetë reale të qëndrojë në kuadrin e shpenzimeve të parashikuara për këtë vit apo vitin e ardhshëm.

Rritja e çmimeve për shkak të agresionit rus do të reflektohet në portofolin e finlandezëve. Saarikko i tha gazetës se shteti nuk mund ta rregullojë këtë.

Ne duhet të bëjmë kompromis për standardin tonë të jetesës. Kjo është gjëja më e vështirë për njerëzit me të ardhura të ulëta.

Kjo kohë që jetojmë është e tillë dhe mund t’ju duhet të bëni kompromis për t’u mësuar me të. Finlanda duhet të përshtatet me Rusinë e paparashikueshme dhe çdo finlandez duhet të përshtatet me pasojat e kësaj, thotë Saarikko për HS.

Sipas ministres, drejtimet e shpenzimeve qeveritare do të zgjidhen me kujdes, pavarësisht se do të rritet përdorimi i parave të shtetit.

Praktikisht do të bëhen investime shtesë prej qindra milionë eurosh në shpenzimet e mbrojtjes dhe sigurinë e furnizimeve (rezervave kombëtare të mallrave jetike).

– Ka ndryshuar radha e përparësive. Stabiliteti është një nga shqetësimet kryesore të këtij vendi tani.