Rusia ka lëshuar një seri deklaratash diplomatike dhe politike, – me nëntekst kërcënues – pasi doganierët finlandezë bllokuan një ngarkesë me vepra arti me vlerë 42 milionë euro në kufirin mes dy vendeve.

Rusia pret që Finlanda së shpejti të lejojë transportin e veprave të artit, i cili u ndaluan dhe u konfiskuan nga Dogana gjatë fundjavës, tha të mërkurën Marija Zaharova, një zëdhënëse e Ministrisë së Jashtme të Rusisë. Zaharova e përshkruan sekuestrimin e veprave të artit si “plotësisht të paligjshme”.

Edhe kryetari i Dumës ruse, Vyacheslav Volodin, me një gjuhë kërcënuese, ka kërkuar kthimin e veprave të konfiskuara në Rusi dhe kërkon që Finlanda të paguajë dëmshpërblim për konfiskimin.

“Ata që e bënë këtë në Finlandë nuk e mbajnë mend mirë historinë e tyre,” tha presidenti në një deklaratë për shtyp të Dumës. Finlanda ka qenë e pushtuar për rreth 100 vjet nga Rusia cariste dhe ka humbur luftën përballë Bashkimit Sovjetik.

Gjatë fundjavës, dogana ndaloi një kamion që po transportonte dhjetëra milionë vepra arti në pikën kufitare Vaalimaa. Sipas Ministrisë së Punëve të Jashtme, këto vepra arti klasifikohen si sende luksoze që i nënshtrohen sanksioneve të BE-së ndaj Rusisë.

Çështja po hetohet si një shkelje e rëndë rregullatore. Aktualisht janë rreth dhjetë persona të dyshuar, si të përfshirë në transport.

Dogana tha se objektet do të qëndronin në posedim të saj për aq kohë sa do të ishte e nevojshme për t’i mbajtur ato për hetimin e krimit të dyshuar.