Presidenti Federal i Gjermanisë, Frank-Walter Steinmeier deklaroi të premten në Helsinki se Gjermania mbështet anëtarësimin e mundshëm të Finlandës në NATO.

“Nuk është detyra jonë të këshillojmë Finlandën, por Finlanda duhet të vendosë në mënyrë të pavarur. Çfarëdo që të përfundoni, mund të jeni të sigurt se Gjermania do t’ju mbështesë dhe ne jemi në anën tuaj”, tha ai në një konferencë të përbashkët shtypi me presidentin Sauli Niinistö.

“Unë jam i njohur me situatën e veçantë në të cilën Finlanda po e vlerëson situatën e saj të sigurisë.”

Steinmeier ishte për një vizitë pune në Finlandë të premten, ku përveç Niinistö-s takoi kryeministren Sanna Marin.

Sipas Steinmeier, presidentët thanë se NATO ka një rol kyç për të luajtur në garantimin e sigurisë evropiane.

Finlanda po shqyrton aktualisht një aplikim të mundshëm për anëtarësim në NATO. Pritet që kërkesa të bëhet gjatë muajit maj dhe porcedurat e anëtarësimit të përfundojnë brenda vitit.