Programi i vaksinimit po përparon siç është planifikuar dhe me një ritëm të mirë. Më shumë se 60 përqind e popullatës së rritur tashmë janë vaksinuar.

THL tani ka lëshuar një rekomandim për vaksinimet për fëmijët e moshës 12-15 vjeç, që kanë probleme të tjera shëndetësore.

Në Finlandë, nevoja për kujdes spitalor për fëmijët dhe të rinjtë ka qenë e ulët.

Studimet tregojnë se vaksina Comirnaty e Pfizer është shumë e efektshme në parandalimin e sëmundjes së koronavirusit në këtë grupmoshë. Ajo është gjithashtu e vetmja vaksinë e autorizuar aktualisht për të vaksinuar njerëzit mbi 12 vjeç.

Në Shtetet e Bashkuara, më shumë se 7.5 milion fëmijë të moshës 12 – 17 vjeç janë vaksinuar tashmë. Asnjë shqetësim në këto grupmosha nuk është identifikuar gjatë vaksinimeve.