Qendra argëtuese, Arena 3.3, e planifikuar për në lagjen Kivistö të qytetit Vantaa, po shkon drejt vendimmarrjes zyrtare. Vantaa është pjesë e metropolit të kryeqytetit, në veri të Helsinkit. Kivistö ndodhet jo shumë larg aeroportit Vantaa-Helsinki, aeroporti kryesor i Finlandës,

Plani për qendrën tregtare Kivistö dhe qendrën argëtuese të planifikuar në zonën e Hämeenlinnanväylä do të diskutohen nga Këshilli i Qytetit Vantaa në fillim të vitit të ardhshëm.

Gjatë një periudhe planifikimi prej më shumë se dy vitesh, projekti ka ndryshuar pak. Rezervimi i parcelës dhe arena janë rritur pak dhe më shumë dhoma janë përshtatur për hotelin e qendrës.

Menaxheri i projektit, Jouko Harjunpää thotë se sipërfaqja e ndërtimit është rritur në 43, mijë metra katrorë dhe hoteli do të jetë me 250 dhoma. Më parë, sipërfaqja ishte 37 mijë metra katrorë dhe hoteli kishte 120 dhoma. Hapësira e restoranteve gjithashtu është diversifikuar.

“Tani është një qendër argëtimi që u shërben të gjithë njerëzve të Kivisto,” thotë Harjunpää.

Projekti financohet nga gjithsej 14 aksionerë, të cilët Harjunpää i përshkruan si zhvillues të pasurive të paluajtshme. Supozimi është se nëse zonimi shkon pa probleme, ndërtimi do të fillojë në fillim të vitit 2023 dhe projekti do të përfundojë në 2025.

Qyteti do të strehojë një bibliotekë të re, një strukturë më të gjerë rinore dhe shërbime shëndetësore. Objektet janë rezervuar gjithashtu për aktivitetet kulturore të fëmijëve dhe mjedise për kurset që ofron kolegji për të rriturit.