Makinat elektrike në Finlandë kanë pësuar një ulje të çmimeve dhe aktualisht duket më e përballueshme financiarisht blerja e tyre. Përjashtimi nga taksa dhe bonusi i qeverisë prej 2 mijë Eurosh e ulin çmimin deri në 21 mijë Euro për Volkswagen e-Up.

Në përgjithësi, ka presion mbi çmimin e makinave elektrike, pasi prodhuesit e makinave duhet të jenë në gjendje të shesin më shumë makina elektrike për të shmangur gjobat e vendosura nga BE-ja.

Çmimet e makinave elektrike ndikohen edhe nga zhvillimet teknologjike. Fuqia e baterive po rritet dhe çmimet e makinave me bateri me fuqi të ulët do të duhet të ulen për t’u bërë atraktive për konsumatorët.

Më poshtë është lista e makinave që kushtojnë afërisht nga 20 deri në 33 mijë Euro, sipas të përditshmes Iltalehti, ku jepen të dhëna edhe për fuqinë e baterisë dhe distancën që mund të ecësh. Shumë prej kompanive ofrojnë mundësi që për disa mijëra Euro të tjera të rritësh fuqinë e baterisë së makinës.