Distrikti Spitalor i Helsinkit dhe Uusimaa – HUS ka zbuluar një vjedhje të madhe të ilaçeve në njësinë e Klinikës së Grave.

Gjurmët e vjedhjes së ilaçeve u zbuluan nga vetë HUS-it dhe autori u kap në vendngjarje të martën.

Policia ka nisur një hetim penal për rastin. Autori ka punuar në HUS për disa vite.

Sipas HUS, sasia e barnave të vjedhura nga spitali është e konsiderueshme. Ilaçet e vjedhura ishin të destinuara për lehtësimin e dhimbjeve te pacientët dhe klasifikohen si barna narkotike.

HUS nuk mund të komentojë më tej për rastin derisa hetimet policore janë në vazhdim.

Krahas hetimit policor, HUS do të hetojë edhe praktikat që lidhen me shpërndarjen dhe përdorimin e vetë barnave për të parandaluar përsëritjen e vjedhjeve të ngjashme të barnave.