Italia përjeton sot fundjavën e parë në gjysmëliri, pas lehtësimit të disa kufizimeve nga e hëna e kaluar, të paktën në zonën e verdhë, ndërsa Valle d’Aosta bëhet e kuqe dhe Sardenja portokalli.

Fundjava e 1 majit do të shënojë një provë të rëndësishme në funksion të pushimeve të shumëpritura të verës, me ndërgjegjësimin këtë vit për të mos përsëritur gabimet e vitit 2020.

Për 47 milionë italianë (shumë janë në zonën e verdhë) do të jetë e mundur të frekuentohen restorantet, por edhe të vizitohen muzetë, teatrot dhe kinematë.

Do të lejohet, gjithashtu, lëvizja midis rajoneve edhe me ngjyra të ndryshme, por me sigurinë e të ashtuquajturës pasaportë e gjelbër, dokumenti që vërteton vaksinimin ose negativitetin e tamponit në 48 orët që i paraprijnë udhëtimit.

Sidoqoftë, nuk do të jetë “gjithçka e lirë”, paralajmërojnë shumë administratorë lokalë, të cilët vazhdojnë të bëjnë thirrje për përgjegjësi.

Nga sot kontrollet e policisë do të intensifikohen jo vetëm në rrugë dhe autostrada, por edhe në vendet e mundshme të grumbullimit, si bregdet, plazhet apo sheshet e jetës së natës.

Greqia

Restorantet, kafenetë dhe baret e Greqisë do të rihapen pas shumë muajsh, të hënën, 3 maj por me kufizime të rrepta për t’u mbrojtur nga përhapja e Covid-19, përfshirë një mbyllje të hershme në orën 22:45.

Sipas një vendimi të përbashkët ministror (JMD) të botuar në Gazetën Zyrtare, bizneset e ndryshme të shërbimeve të ushqimit dhe pijeve do të lejohen të shërbejnë vetëm në ambiente të hapura deri të paktën të hënën pasardhëse, 10 maj.

Përveç kësaj, të gjithë stafit dhe pronarëve që punojnë në ambiente do t’u kërkohet të kryejnë teste diagnostikuese për Covid-19, ndërsa vetëm klientëve të ulur mund t’u shërbehet.

Bizneseve gjithashtu do t’u kërkohet të dezinfektojnë menutë, të furnizojnë një produkt dezinfektues në secilën tryezë, të kërkojnë nga stafi dhe klientët të mbajnë maska ​​nëse nuk janë ulur në tryezën e tyre, të vendosin maksimumi gjashtë persona për tryezë, të mbajnë distancat minimale midis tavolinave dhe të respektojnë rregullat e higjienës.

About Post Author

admin

See author's posts