Sheshi i Tregut të Helsinkit, ku gjenden edhe godinat e kryeministrisë, bashkisë dhe presidencës, ishte plot me festues mbrëmjen e së dielës, kur Finlanda siguroi kupën e katërt të kampionatit botëror të hokejit në historinë e saj duke fituar ndaj Kanadasë.

Mes atyre që bënin tifozllëk në pallatin e sportit të qytetit të Tamperes ishte edhe kryeministrja e Finlandës, Sanna Marin.

Hokej, sporti më popullor në Finlandë, është njëherësh edhe sporti ku sportdashësit finlandezë presin t’i gëzohen ndonjë kupe në garat ndërrkombëtare.