Moti dhe për pasojë kushtet e drejtimit të automjeteve do të përkeqësohen gjatë fundjavës. Bëhet shumë keq të shtunën dhe vazhdon po aq keq të dielën, thotë Jani Parviainen, një meteorolog në detyrë në Institutin Meteorologjik Finlandez.

– Gjatë ditës së premte, reshjet e shiut do të zvogëlohen para se të vijnë reshjet e reja të shtunën. Atëherë mund të flasim edhe për një stuhi dëbore, shpjegon Parviainen.

Era do të jetë e fortë dhe e rrezikshme të shtunën. Shpejtësia e erës mund të mbërrijë deri në 20 metra në sekondë.

– E shtuna është shumë e keqe për të ngarë makinën për shkak të erës dhe borës. Në Finlandën jugore dhe qendrore, mund të ketë shumë borë, 10-20 cent.

Uusima, ku bën pjesë edhe kryeqyteti mund të ketë një maksimum prej 15 gradë nën zero një natë para të shtunës, por gjatë ditës moti do të jetë i ftohtë deri afër zeros.

Paralajmërimi i Institutit Meteorologjik Finlandez për kushtet shumë të këqija të drejtimit të shtunën përfshin Uusimaa, Kanta-Häme, Kymenlaakso dhe Pirkanmaa, ndër të tjera. Përveç kësaj, ka një paralajmërim për erën e fortë në Uusimaa dhe Kymenlaakso. Përveç pjesës më veriore të Finlandës, në gjithë vendin ka një paralajmërim për kushte të keqija të vozitjes të shtunën.

– Të dielën jemi sërish në anën e ngricave dhe reshjet e shiut vazhdojnë gjatë gjithë ditës. Edhe të dielën, 10 deri në 20 cent borë mund të bjerë në Finlandën jugore. Gjatë gjithë fundjavës, mbulesa e borës mund të rritet më shumë se 30 centimetra.

Instituti Meteorologjik Finlandez vazhdon të paralajmërojë për kushte shumë të këqija drejtimi deri të dielën vonë në mbrëmje në Uusimaa, Kanta-Häme, Kymenlaakso dhe Pirkanmaa, ndër të tjera. Pothuajse kudo tjetër paralajmërohet për të paktën kushtet e këqija të drejtimit.