Kur lëvizni në një qytet tjetër për të rritur një familje, ka një numër aspektesh që duhet të merrni parasysh. Nga financa dhe kujdesi për fëmijët deri tek atraksionet dhe kujdesi për shëndetin, zgjedhja e qytetit të duhur luan një rol jetësor në edukimin e familjes suaj.

CIA Landlord ka bërë kërkime për qytetet më të mira për të rritur një familje, duke analizuar koston e qirasë, kujdesin për fëmijët dhe koston e faturave, krahas numrit të shkollave, atraksioneve, cilësisë së jetës dhe shkallës së ndotjes.

Të jetosh në një vend të shëndetshëm është thelbësore kur krijon një familje. Nga vështrimi i shkallës së krimit te cilësia e jetës, si prind që dëshironi që fëmijët tuaj të ndihen sa më të sigurt ndërsa jetojnë në një vend të shëndetshëm.

Nga studimi, Helsinki u rendit i pari si qyteti më i shëndetshëm për të rritur një familje, kur ndërthur treguesit mbi lumturinë, cilësinë e jetës, shkallën e krimit, ndotjen dhe koston e kujdesit për fëmijët në një muaj. Helsinki ka një vlerësim të lartë të indeksit të lumturisë prej 7.8 nga 10, së bashku me një indeks të ulët të krimit 23 nga 100 dhe 15 nga 100 për indeksin e ndotjes. Kostoja e kujdesit për fëmijët gjithashtu renditet si një nga më të lirat në studim me 232 Euro në muaj.

Qyteti i Oslos u rendit i dyti në studim, duke treguar rezultate afër Helsinkit për cilësinë e jetës, shkallën e krimit dhe ndotjen. Me 284 £ në muaj për koston e kujdesit për fëmijët, qyteti mbetet ende i përballueshëm kur krahasohet me Bernën në Zvicër dhe Ottawa-n në Kanada.

Tabela më poshtë tregon 20 qytetet më të mira të botës për të rritur një familje.