Gjashtëmbëdhjetë vjeçarja Nella Salminen “mori vendin” e Presidentit finlandez Sauli Niinistö për një ditë javën e shkuar, si pjesë e fushatës globale të sponsorizuar nga #GirlsTakeover për të promovuar të drejtat e vajzave në politikë dhe biznes.
Ajo e kaloi kohën pranë presidentit, duke takuar politikanët dhe duke folur në një konferencë të veprimit për klimën.
“E gjithë kjo ditë është gjëja më e mirë që kam përjetuar në një kohë të gjatë,” tha Salminen. Adoleshentja shtoi se potenciali i vajzave duhet të njihet më mirë dhe se ato duhet të përfshihen më shumë në hartimin e politikave.
“Nuk është e drejtë që vendimet që ndikojnë shumë tek unë janë marrë nga vendimmarrësit pa pyetur opinionin e brezit tim.”
Nella gjithashtu diskutoi ndikimin e dezinformatave në internet me Niinistö. “Dezinformatat në internet janë rritur, dhe është vërtetë e vështirë të gjesh informacionin e duhur.”
Qeveria e Finlandës udhëhiqet nga kryeministrja Sanna Marin, e cila u bë mbajtësja më e re në botë e detyrës në vitin 2019, kur mori pushtetin në moshën 34 vjeçare, duke udhëhequr një koalicion prej pesë partish të qendrës së majtë, të cilat të gjitha udhëhiqen nga gra.
About Post Author
Leave a Reply