Kryeministrja Sanna Marin (sd.), tha sot se qeveria do të vlerësojë domosdoshmërinë e kufizimeve aktuale.
“Hapja e ngjarjeve kulturore dhe sportive me rrezik të ulët për ata që kanë pasaportë korona dhe zgjerimi i orarit të hapjes së restoranteve që shërbejnë ushqim duhet të konsiderohet në një moment më të shpejtë se sa ishte parashikuar më parë”, thotë Marin në Twitter.
Sipas Marinit, qeveria ka rënë dakord më parë që rekomandimet për aktivitetet argetuese për fëmijët dhe të rinjtë dhe rekomandimi për mësimin në distancë në arsimin e lartë të braktisen në fund të janarit.
Për kufizimet e pandemisë sot kanë komentuar edhe ministra të tjerë të qeverisë.
Veç ministres së Arsimit Li Andersson edhe Ministri i Çështjeve Ekonomike Mika Lintilä, tha se kufizimet për restorantet duhet të hiqen gradualisht sa më shpejt të jetë e mundur.
“Në këtë situatë, do të ishte e justifikuar zgjatja e orarit të punës së restoranteve”, deklaron Lintilä në Twitter.
Sot, Grupi Koordinues i Koronës në Zonën Metropolitane të Helsinkit i rekomandoi Agjencisë Administrative Shtetërore Rajonale të Finlandës Jugore që nga 1 shkurti 2022 të heqë kufizimet në ambiente me rrezik të ulët.
About Post Author
Leave a Reply