Partia e Koalicionit Kombëtar (Kok) kryeson sondazhin përfundimtar që transmetuesi publik YLE i bëri forcave politike parlamentare përpara zgjedhjeve lokale. Partia e Koalicionit Kombëtar udhëheq me 19.6 përqind mbështetje.

Në vendin e dytë është Partia ekstremiste e Finlandezëve të Vertetë me 18 përqind dhe në vendin e tretë janë Social Demokratët me 17 përqind.

Social Demokratët patën rënie më së shumti në sondazh, pasi mbështetja e tyre ra me 1,1 pikë përqindje në këtë periudhë kur partia u përfshi në një skandal mbi shpenzimet e mëngjesit të Kryeministrit dhe udhëheqëses së SDP Sanna Marin.

Partia finlandeze ra 0.2 përqind, pas një skandali në lidhje me posterët zgjedhorë të partive që shënjestronin emigrantët nën programin e strehimit social, duke u futur në tituj e mediave gjatë së njëjtës periudhë.

Partia e Qendrës fitoi më së shumti në këtë sondazh, me mbështetjen e tyre në rritje me 1.3 përqind.

Sidoqoftë, kjo është brenda kufirit të gabimit prej 1.9 pikë përqindjeje të sondazhit.

Taloustutkimus intervistoi 2,965 njerëz midis 5 majit dhe 8 qershorit.